Një rrugë të cilën ushtria izraelite po ndërton në Rripin e Gazës, e cila ndan enklavën palestineze në gjysmë, ka arritur në bregdetin e Mesdheut.
Kjo është ajo që del nga një analizë e imazheve satelitore të kryera nga CNN.
E njohur si “Korridori Netzarim”, rruga është pjesë e një plani sigurie që do t’i lejojë Izraelit të kontrollojë territorin për muaj dhe ndoshta vite në vijim, shkruan transmetuesi amerikan në faqen e tij të internetit, duke cituar zyrtarë izraelitë.
Një imazh satelitor i fiksuar më 6 mars zbulon se rruga lindje-perëndim, në ndërtim e sipër për javë të tëra, tani shtrihet nga zona kufitare Gaza-Izrael në të gjithë Rripin, e cila është rreth 6.5 kilometra e gjerë, duke ndarë veriun e Gazës nga jugu i enklavës.
Sipas analizës, rreth 2 kilometra përfshin një rrugë ekzistuese, ndërsa pjesa tjetër është e re. Forcat e Mbrojtjes të Izraelit (IDF) shpjegoi për CNN se rruga shërben për të “krijuar një bazë operacionale në zonë” dhe për të lejuar kalimin e forcave dhe pajisjeve logjistike.
IDF shtoi se rruga ka ekzistuar para luftës dhe është duke u “rinovuar” për shkak të automjeteve të blinduara që e dëmtonin, por “nuk kishte as fillim e as fund”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
