Qeveria irakiane ka thënë se fluturimi i parë për të riatdhesuar shtetasit e saj, të cilët janë mes emigrantëve të bllokuar në kufirin Bjellorusi-Poloni, do të organizohet të enjten "në baza vullnetare".
"Iraku do të kryejë fluturimin e parë për ata që dëshirojnë të kthehen vullnetarisht në shtëpi më datë 18 të këtij muaji", njoftoi zëdhënësi i ministrisë së punëve të jashtme Ahmed al-Sahaf.
Njoftimi i Bagdadit vjen ndërsa ministrat e jashtëm të Bashkimit Evropian do të takohen për të zgjatur sanksionet e vendosura ndaj Bjellorusisë pas represionit kundër regjimit të Lukashenkos.
Kontakti i parë i nivelit të lartë mes Brukselit dhe Minskut që nga fillimi i krizës në kufirin lindor të BE-së u zhvillua të dielën. Udhëheqësi autokratik i Bjellorusisë akuzohet se ka orkestruar qëllimisht fluksin e emigrantëve për të dëmtuar BE.
Shefi i diplomacisë së BE-së Josep Borrell foli me ministrin e Jashtëm bjellorus Vladimir Makei dhe e ka cilësuar situatën në kufi si “të pasigurt”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
