Deputetja e Hamburgut, Olga Petersen, ka kërkuar strehim në Rusi, duke deklaruar se kishte frikë që shteti gjerman do t’i merrte fëmijët për mbështetjen e shprehur ndaj presidentit rus Vladimir Putin.
Petersen me origjinë ruse, u largua nga Hamburgu me fëmijët e saj muajin e kaluar, duke nxitur aludime të shumta për vendndodhjen e saj.
Disa javë para zhdukjes së saj, partia e saj Alternativa për Gjermaninë (AfD) e krahut të djathtë, e përjashtoi nga fraksioni i saj në Hamburg për shkak se udhëtoi në Rusi si vëzhguese e zgjedhjeve në mars dhe e deklaroi votimin “të hapur, demokratik dhe të lirë”.
Alexander Brod, një anëtar i Këshillit Presidencial Rus për Shoqërinë Civile dhe të Drejtat e Njeriut, i tha Tass javën e kaluar se Petersen ishte vendosur në Rusi me tre nga katër fëmijët e saj.
“I kam nxjerrë fëmijët e mi jashtë vendit. Dua të di se fëmijët e mi janë të sigurt dhe se ata mbeten nën kujdesin tim. Pa fëmijët e mi, nuk do të shihja më asnjë kuptim në jetë”, tha ajo për Bild.
Punonjësit socialë kishin filluar procedurat për t’i marrë tre fëmijët të gjithë në shkollë fillore, në kujdesin shtetëror.
Shprehjet e mbështetjes për operacionin ushtarak të Rusisë në Ukrainë janë të paligjshme në Hamburg, teksa një gjykatë në qytet dënoi një burrë me tre vjet burg majin e kaluar për ndarjen e ideve pro-ruse dhe përdorimin e simbolit “Z” të pikturuar në disa automjete ushtarake ruse në kanalin e tij Telegram.
Gjykatat gjermane gjithashtu mund t’i heqin një prindi të drejtën e kujdestarisë nëse ai konsiderohet abuzues, i dhunshëm ose neglizhues.
Megjithëse Petersen është përjashtuar nga fraksioni i AfD-së në Hamburg, ajo mbetet anëtare e parlamentit të rajonit dhe është në fletët e votimit si e pavarur në zgjedhjet e qarkut të Hamburgut të dielën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
