Mehmet Siddik Akis, kryebashkiaku i zgjedhur me partinë pro-kurde Dem në Hakkari, në juglindje të Turqisë, u dënua me 19 vjet e 6 muaj burg për terrorizëm.
Akis, 53 vjeç i zgjedhur kryetar bashkie në zgjedhjet lokale të 31 marsit, u shpall fajtor si anëtar i një organizate të armatosur terroriste dhe për kryerjen e propagandës terroriste nga një gjykatë në Hakari, qyteti ku ai u zgjodh kryebashkiak, i cili është afër kufirit me Irakun dhe jo shumë larg kufirit sirian.
Akis u arrestua të martën ndërsa të dielën u zëvendësua me një administrator të caktuar nga Ministria e Brendshme.
Vendimi u kundërshtua menjëherë nga popullsia vendase dhe ministria e Brendshme ndaloi protestat publike në mbështetje të Akis.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
