Banka Qendrore Evropiane (BQE) pritet të mbajë të pandryshuara normat e interesit, por një perspektivë e përmirësuar e inflacionit, si brenda dhe jashtë vendit, do të thotë se dera për ulje të mëtejshme më vonë gjatë vitit mbetet e hapur.
Inflacioni u zbut në 2.5 për qind në qershor nga 2.6 për qind në maj dhe ekonomia e eurozonës po duket pak më e dobët se sa pritej, me ekonominë e rajonit ende të bllokuar në një fazë reçesioni.
Një sondazh i publikuar të martën tregoi që pritshmërinë për ekonominë gjermane, më e madhja e eurozonës janë dobësuar për herë të parë në një vit, ndërkohë që një tjetër sondazh i kryer nga Banka Qendrore Europiane nuk dha asnjë të dhënë për rritjen e investimeve nga ana e kompanive të ndryshme.
Tregjet financiare, ndonëse nuk presin asnjë veprim këtë javë, janë ende në bast për një tjetër ulje prej 0.25% në shtator që do të çonte normën e interesit të depozitave në 3.5 për qind.
Megjithatë, presidentes Christine Lagarde mund t'i duhet t’i rezistojë tundimit për të dhënë udhëzime shumë të qarta, pasi ulja e parë e normës së Bankës Qendrore Europiane në qershor u ndërlikua nga provat se inflacioni në sektorin kryesor të shërbimeve po refuzon ende me kokëfortësi të ngadalësohet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
