Krimet zgjedhore/ Xhafa: Forcat politike më të kujdesshme në fushatë

Juristi dhe avokati Esmerald Xhafa thotë se Prokuroria e Posaçme SPAK ka marrë në dorë krimet zgjedhore.

Në një intervistë për emisionin “FactCheck” në MCN TV, ai tha se subjektet zgjedhore janë më të ndërgjegjësuara sa i takon kujdesit për fushatën, pasi ndryshe nga veprat e tjera penale, në këtë rast mjafton premtimi për t’i dhënë dikujt diçka dhe që këtu është ezauuruar konsumimi i veprës penale.

Hija e SPAK ka qenë ruajtja e votës. Normalisht forcat politike dhe shtabet elektorale kanë qenë më të kujdesshme në bërjen e fushatës dhe dhënien e premtimeve. 

Nisja e zotit Dumani në qarqe si Shkodra dhe Malësia e Madhe që janë qarqe problematike është dhe një tregues. SPAK duke qenë dhe si zgjatje e ish-Gjykatës së Krimeve të Rënda, nuk të arreston pa të mbledhur provat dhe kur të arreston nuk ka diskutueshmëri mbledhja e provave dhe kryerja e hetimit.