Autoritetet shëndetësore në Francë deklarojnë se personat që do të kapen me pasaporta false të vaksinimit anti-Covid s’do të ndëshkohen, nëse vendosin të imunizohen.
Sipas shifrave zyrtare në Francë qarkullojnë rreth 200 mijë pasaporta false të vaksinimit. Disa rrjete kriminale janë nën hetim pasi kanë hakuar stafin që merret me vaksinimin që të krijonin mijëra pasaporte të rreme.
Ndërkaq pritet të fshihen të gjitha dokumentet false nga regjistri kombëtar, kështu që ato nuk do të jenë në sistem.
Kujtojmë që pasaporta e vaksinimit në Francë bëhet e vlefshme me marrjen e dozës së tretë, që kërkohet 4 muaj pas marrjes së dozës së dytë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
