Qeveria britanike planifikon të heqë përfundimisht duhanin tek të rinjtë që në vitin 2040 dhe përfundimisht ta eliminojë këtë zakon në mbarë vendin. Propozimi, i shpallur nga kryeministri Rishi Sunak të mërkurën, do ta bënte të paligjshme shitjen e produkteve të duhanit për njerëzit e lindur më ose pas 1 janarit 2009, me qëllim krijimin e brezit të parë pa duhan .
"Pa një ndryshim të rëndësishëm, mijëra fëmijë do të fillojnë të pinë duhan në vitet e ardhshme dhe si rezultat do t'u shkurtohet jeta," tha Sunak në një fjalim në konferencën konservatore në Mançester të mërkurën.
"Unë dua të ndërtoj një të ardhme më të mirë dhe më të ndritshme për fëmijët tanë, prandaj dua të ndaloj duhanin përgjithmonë," tha kryeministri, duke shtuar se masat e propozuara do të "do të nënkuptojnë se fëmijët tanë nuk do të mund të blejnë kurrë një cigare".
Pirja e duhanit është "vrasësi më i madh i parandalueshëm" i Britanisë, duke shkaktuar rreth një në katër vdekje nga kanceri dhe duke çuar në 64,000 vdekje në vit në Angli, sipas qeverisë. Qeveria tha se masa e propozuar do të shpëtojë "dhjetëra mijëra jetë", do të ulë kostot e kujdesit shëndetësor dhe do të rrisë ekonominë deri në 85 miliardë paund (103 miliardë dollarë) deri në vitin 2075.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
