Kryeministri grek dhe ai maqedonas janë nominuar për Nobelin e Paqes. Sipas Greek City Times, Alexis Tsipras dhe Zoran Zaev janë në garën për çmimin prestigjioz, falë nënshkrimit të Marrëveshjes së Prespës.
Nominimi i tyre për Nobelin e Paqes në vitin 2019 është bërë nga fituesja e çmimit Nobel për Paqe në 2015, Wided Bouchamaoui.
Marrëveshja, e nënshkruar në qershor 2018, riemërtoi ish-Republikën Jugosllave të Maqedonisë si Republika e Maqedonisë Veriore.
Bouchamaoui mendon se Marrëveshja e Prespës është modeli i një zgjidhjeje paqësore dhe konstruktive të çështjeve dypalëshe dhe dallimeve të mëdha midis vendeve fqinje dhe, e cila, si e tillë, mund të përdoret jo vetëm në Ballkan, por kudo në botë.
"Ratifikimi i marrëveshjes nga të dy vendet ka treguar se dialogu, energjia pozitive, mirësjellja dhe ndjenja e fqinjësisë së mirë janë vendimtare për zgjidhjen e çështjeve të hapura, pavarësisht nga presioni i nacionalistëve në të dy anët", tha sipërmarrësja tuniziane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
