Belioza Çoku, punonjëse sociale, duke folur në “Mcn Informacion” tha që ka një rritje të rasteve me mendimeve vetëvrasëse te fëmijët dhe adoleshentët, ku vetëm në 2024-ën janë shënuar 27 raste në linjën kombëtare të këshillimit.
Ajo thekson se brezi i ri ka një presion teknologjik dhe ka faktorë të tjerë që kanë rritur ndjeshëm izolimin social, ku ka rënë komunikimi.
“Pas Covid-19, shumë revista akademike po shikojnë një rritje të mendimeve vetëvrasëse, ankthit, depresionit dhe stresit të shtuar. Edhe ne te linja e këshillimit për fëmijë, kemi vënë re që ka një rritje të mendimeve vetëvrasëse 14-17, edhe 20. Shëndeti mendor është më i shtrenjtë. Kur telefonojnë në linjë është shumë e vështirë. Të dielën më merrte menaxheri i rasteve, ku vajza këmbëngulte se do vriste veten sepse i kishte dalë pamja në Instagram. Në 2024-ën janë 27 raste dhe ka një trend rritës. Revistat akademike tregojnë që presioni teknologjik i këtij brezit, janë faktorë që kanë rritur ndjeshëm izolimin social, edhe komunikimi ka rënë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
