Shpërthim në qendrën e pritjes së emigrantëve në Itali, 12 të plagosur, disa në gjendje të rëndë

12 persona kanë mbetur të plagosur pas një shpërthimi në një qendër emigrantësh në  San Lorenzo Nuovo, në zonën e Viterbos në Itali.

Mediat italiane raportojnë se në mesin e të plagosurve ka dhe të mitur.

Bëhet me dije se disa prej të plagosurve janë në gjendje të rëndë.

Ende nuk dihen shkaqet e shpërthimit.

I pyetur për situatën nga agjencia LaPresse, kryebashkiaku i San Lorenzo Nuovo-s tha se janë marrë masat për ndërhyrjet e nevojshme dhe se do të hetohet e gjithë ngjarja.