Përfaqësuesja e misionit të ODIHR, Audrey Glover ka mbërritur në ambientet e Komisionit Qendror të Zgjedhjeve për t’u takuar me kryetarin Klement Zgurin.
Ambasadorja Glover ka zhvilluar takime edhe me përfaqësues të partive politike në Shqipëri, përfshirë edhe krerët e opozitës jashtë parlamentare, ku dje u takua me kryetaren e LSI-së, Monika Kryemadhi.
Mësohet se Audrey Glover do të largohet nesër nga Shqipëria, ndërkohë që takimin e fundit ka zgjedhur ta zhvillojë me kreun e KQZ-së, i cili ka vënë në dukje disa shkelje gjatë procesit të 30 qershorit.
Pas dy muajsh, ODHIR pritet të publikojë raportin përfundimtar për lokalet e 2019-s, në të cilat opozita nuk mori pjesë, pas vendimit për djegien e mandateve dhe protestave të shumta që prej 16 shkurtit të këtij viti, duke kërkuar largimin e kryeministrit Edi Rama, krijimin e një qeverie tranzitore dhe mbajtjen e zgjedhjeve të lira dhe të ndershme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
