I dashur vëlla! Fryma e Shenjtë na transformoftë zemrat dhe na bëftë paqebërës të vërtetë, veçanërisht për Ukrainën e shkatërruar nga lufta, në mënyrë që kalimi i madh i Pashkëve nga vdekja në jetën e re të Krishtit të bëhet realitet për popullin ukrainas, të etur për një agim të ri. Kjo duhet t’i japë fund errësirës së luftës.
Kështu shkruhet në letrën që Papa Françesku i dërgoi Patriarkut rus, Kirill, me rastin e Pashkëve ortodokse, të kremtuara të dielën.
Pak ditë më parë Patriarku rus Kirill, aleat i ngushtë i Presidentit Vladimir Putin, u bëri thirrje mbështetësve të Rusisë që të bashkohen për të luftuar “armiqtë e brendshëm dhe të jashtëm të Moskës”.
Kirill, kreu i kishës ortodokse ruse, kisha e të cilit ka rreth 150 milionë ndjekës, ka mbështetur vazhdimisht operacionin ushtarak në Ukrainë.
Patriarku Kirill ka bërë edhe më parë deklarata të tilla, duke mbrojtur veprimet e Moskës në Ukrainë dhe e sheh luftën si një mburojë kundër një kulture liberale perëndimore të cilën ai e konsideron dekadente.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
