Macron njofton zgjatjen e izolimit të Francës

Emmanuel Macron ka njoftuar një zgjatje prej një muaji të izolimit mbarëkombëtar të Francës deri më datën 11 maj.

Dalja televizive e tij e katërt e drejtpërdrejtë gjatë shpërthimit të koronoavirusit filloi në orën 20.00. Bllokimi filloi në datën 17 mars dhe u ripërtëri për herë të parë dy javë më vonë.

Macron tha se pas 11 majit, shkollat ​​gradualisht do të fillojnë të rihapen.

Deklarata e tij vjen në mes të shqetësimit në rritje për furnizimin me pajisje mjekësore, si dhe pasojat sociale të pandemisë në Francë.

Ripërtëritja e kohëzgjatjes së izolimit vjen pavarësisht shifrave relativisht inkurajuese të viktimave gjatë fundjavës së Pashkëve.

Koronavirusi ka vrarë 14 393 njerëz në Francë, përfshirë më shumë se 9 000 në spital. Shifra e fundit tregon një rritje prej 310 personash gjatë 24 orëve. Numri i pacientëve në kujdes intensiv gjithashtu ka rënë paksa, njofton “Euronews”.

Franca ka disa nga kufizimet më të ashpra në Evropë. Njerëzit mund të lënë shtëpitë e tyre për të udhëtuar në dhe nga puna përveç nëse kjo nuk mund të bëhet nga shtëpia, të blejnë furnizime thelbësore të ushqimit dhe ilaçeve, të ndihmojnë të tjerët në nevojë ose të bëjnë një stërvitje të shkurtër.