Mbyllja e nëntë postave në veri të Kosovës ka shkaktuar pakënaqësi jo vetëm në Serbi, por edhe te Shtetet e Bashkuara të Amerikës.
Zëdhënësi i Departamentit të Shtetit, Matthew Miller, ka shprehur shqetësimin për vendimet e pakoordinoruara të Qeverisë së Kosovës, teksa shprehet se këto vendime rrezikojnë mundësitë e krijuara për Kosovën me ndihmën e SHBA.
Ai këshilloi Kosovën që t’i rikthehet angazhimit konstruktiv me aleatët ndërkombëtar, teksa përmendi edhe mbështetjen që Kosova ka pasur nga SHBA në procesin e shtet ndërtimit.
Jemi të shqetësuar me vendimet e vazhdueshme të pakoordinuara nga lidershipi i Kosovës. Ne besojmë se ato i rrezikojnë mundësitë të cilat e ndihmuam Kosovën që t’i krijojë. Do ta inkurajonim qeverinë e Kosovës të kthehet në angazhim të afërt dhe konstruktiv me ShBA-në, BE-në, NATO-n dhe me partnerët tjerë të afërt ndërkombëtarë të Kosovës dhe e kemi bërë atë të qartë, siç po e bëj tani publikisht, ia kemi bërë të qartë qeverisë edhe privatisht.
Nëse e shikoni rrëfimin që nga pavarësia e Kosovës, ShBA-ja e ka mbështetur fuqishëm integrimin e saj të plotë në komunitetin ndërkombëtar si demokraci sovrane e multietnike. Por, për ta realizuar këtë vizion, që është vizion të cilin edhe ne e ndajmë, ne kemi bashkëpunuar me liderët e vazhdueshëm politikë të Kosovës në masa që forcojnë paqen dhe prosperitetin brenda ndërsa avancojmë Kosovën në këtë rrugë euro-atlantike në të cilën jeni pajtuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
