Zululandi i sotëm nisi me një kolazh në nderim të Andrea Stefanit, ku dilte në pah natyra polemike në studiot televizive e gazetarit që ka ndërruar jetë dy ditë më parë. Më pas, Nano ftoi në bisedë tre njerëz të shtypit, dhe miq të Andreas, publicistin Ilir Yzeiri, botuesin Besnik Myftari dhe gazetarin Aleksandër Çipa. Ata sollën kujtime të tyret nga takimet e bashkëpunimi me Andrean, por edhe u ndalën tek ajo që Andrea përfaqësonte në gazetarinë shqiptare, për dikë gazetarin e ashpër polemik, për dikë gazetarin transparent ne jetën e vet publike, për dikë njeriun që themeloi, bashkë me të tjerë, shtypin e lirë shqiptar, e për dikë gazetarin e sinqertë që nuk bënte kompromis me idetë e veta.
Nano në fund u shpreh se ky ishte një emision homazh, jo për shën Andrean, por për Andrea Stefanin që në jetë, ku duke gabuar e ku duke kritikuar me të drejtë, jetoi ndershmërisht në kuptimin intelektual, dhe bëri atë që mundui ashtu si diti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
