Kryeministri Edi Rama ndodhet në Londër, ku po merr pjesë në Samitin e Kryeministrave të Ballkanit Perëndimor në kryeqytetin e Britanisë së Madhe.
Në një prononcim për mediat, shefi i qeverisë shqiptare, e cilësoi këtë samit si një erë e re në rajon, pasi secili nga ne po shqyrton mundësitë e bashkëpunimit dhe të punuarit së bashku.
Kryeministri Rama deklaroi se BERZH nuk ka qenë i rëndësishëm, por ka qenë thelbësor dhe vazhdon të jetë jo vetëm për shkak të fondeve por para së gjithash për njohuritë, për eksperiencën, për kapacitetin për të ndihmuar në ndërtimin e perspektivës dhe për të qenë në gjendje të artikulojmë në mënyrën e duhur të gjitha projektet që bazohen në nevojat tona, në mënyrë që të mos bëjmë gabime trashanike.
Ndërkohë, i pyetur për vizitën e Presidentit të KE-së Juncker dhe aspiratave të Shqipërisë për hapjen e negociatave, Rama tha se anëtarësimi do vijë më vonë dhe ky nuk ishte argument i momentit.
“Para së gjithash, ne duam të hapim negociatat e anëtarësimit. Anëtarësimi do vijë më vonë dhe ky nuk ishte argument i momentit. Ne shpresojmë të marrim rekomandim të plotë dhe më pas vendet anëtare të hapin dritën jeshile për të nisur negociatat e anëtarësimit. Më pas do të shohim. Kjo gjë varet nga ne dhe nga aftësitë tona për të ecur më shpejt.”, theksoi Rama
