Twitter dëshiron reagimin e përdoruesve, për të vendosur nëse udhëheqësit botërorë duhet t'u nënshtrohen të njëjtave rregullave si të tjerët. Rrejti social kërkon të mbledhë të dhëna publike, lidhur me atë që mendojnë përdoruesit se do të ishte e përshtatshme kur një udhëheqës botëror shkel rregullat.
"Politikanët dhe zyrtarët e qeverisë po evoluojnë vazhdimisht se si i përdorin shërbimin tonë dhe ne duam që politikat tona të mbeten të përshtatshme për natyrën gjithnjë në ndryshim të ligjërimit politik në Twitter dhe të mbrojnë shëndetin e bisedës publike", tha kompania në një postim në blog .
Twitter tha se po këshillohet gjithashtu me ekspertë të të drejtave të njeriut, organizata të shoqërisë civile dhe akademikë në të gjithë botën për këtë çështje dhe përgjigjet e tyre do të pasqyrohen në rishikimet e ardhshme të politikave të tij.
Sondazhi është i hapur deri në 12 prill dhe në ditët në vijim Twitter tha se do të publikojë versione në 13 gjuhë të tjera. Në të pyeten pjesëmarrësit se çfarë lloj veprimi duhet të ndërmarrë platforma kur kandidatët politikë ose zyrtarët e zgjedhur postojnë informacione mashtruese në lidhje me zgjedhjet dhe kanë shkelur rregullat e faqes shumë herë.
Një pyetje tjetër shtron se çfarë duhet të bëjë Twitter kur, në mënyrë hipotetike, një zyrtar i lartë qeveritar nga një vend tjetër bën pretendime të rreme rreth kurimeve të paprovuara COVID-19 në vendin e përdoruesve. Media sociale gjithashtu pyet se si të merren me situatat kur zyrtarët bëjnë pretendime të rreme në lidhje me virusin në vendet e tyre.
Sondazhi gjithashtu mbulon gjuhën e urrejtjes dhe kërcënimet e dhunës nga udhëheqësit botërorë ndaj qytetarëve në vendin e tyre dhe shtetasve të vendeve të tjera. Çdo situatë hipotetike që Twitter paraqet në sondazh shton nëse është shkelja e parë e liderit botëror apo një shkelje e përsëritur.
Kjo lëvizje vjen dy muaj pasi Twitter mbylli profilin e ish-Presidentit amerikan, Donald Trump, me pretendimin se po nxiste popullin për dhunë. Kliko këtu për të marrë pjesë në sondazh.
Burimi: Cbsnews
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
