Në kuadër të manifestimit “Maratona online e Fjongos Blu”, kundër Dhunës dhe Shfrytëzimit Seksual të Fëmijëve, Presidenti i Republikës, Ilir Meta kërkon sot nga Kuvendi që të miratojë sa më parë projektligjin për regjistrimin e të dënuarve për krime seksuale.
Kreu i Shtetit Ilir Meta tha se është e patolerueshme që janë dënuar vetëm 44% e autorëve për krime seksuale, prandaj të gjitha strukturat duhet të intesifikojnë përpjekjet që synojnë parandalimin e abuzimit seksual.
“Dua të nxis kuvendin dhe deputetët që të miratojnë sa më shpejt projektligjin për regjistrin e të dënuarve për krime seksuale që CRCA Albania ka përgatitur si përgjigje ndaj parandalimeve të krimeve seksuale ndaj fëmijëve dhe adoleshentëve. Është e patolerueshme që vetëm 44% e autorëve të akuzuar për krime seksuale ndaj fëmijëve janë dënuar me vendim të formës së prere. Kjo tregon se kemi një mospërputhje të konsiderueshme nga regjistrimi i rasteve të dhunës seksuale në polici, ndjekja penale nga prokuroria dhe dhënia e dënimit nga gjykata. Prandaj të gjitha strukturat duhet të intesifikojnë përpjekjet që synojnë parandalimin e abuzimit seksual duke ndërmarrë iniciativa me karakter ndërveprues dhe duke rritur në maksimum ndëshkueshmërinë”, tha Presidenti Ilir Meta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
