Aksidentohet autobusi me turistë në Turqi, 1 e vdekur dhe 11 të plagosur

Një turiste zvicerane humbi jetën dhe 11 persona të tjerë u plagosën në një aksident rrugor në Turqinë jugore.

Lajmin e bënë me dije mediat turke dhe konsullata e përgjithshme zvicerane këtë të martë.

Sipas agjencisë shtetërore të lajmeve Anadolu, njëmbëdhjetë të plagosurit janë dhjetë turistë zviceranë dhe shoferi turk i minibusit që do t'i çonte nga aeroporti i Antalias në një hotel që ndodhet në lagjen Manavgat, rreth një orë me makinë larg.

Minibusi goditi një automjet të rëndë mallrash të parkuar përgjatë një autostrade që lidh Antalia-n me Alanya-n, dy nga vendpushimet kryesore bregdetare në bregdetin turk të Mesdheut, shumë të njohura nga turistët evropianë. 

Turistja zvicerane që vdiq ishte një mjeke rreth të dyzetave.