Në kuadër të nismës për bashkëqeverisje me qytetarët, kryeministri Rama ka ndaluar në Librazhd, ku u zhvillua një dëgjesë publike e deputetëve të rinj të PS-së me qytetarët.
Rama tha se qeveria e re do t’u japë qytetarëve hapësirat në vendimmarrje deri në nivelet më të larta.
Gjatë kohës që kreu i qeverisë thoshte se “i kemi marrë votat për të çuar tepsinë për skrap”, në atë moment i drejtohet deputetit socialist Taulant Balla, duke i thënë që të lërë telefonin.
“Lëre telefonin se po flas unë”, i tha Rama, Ballës.
“I kemi marrë votat për ta çuar tepsinë për skrap, jo që të zgjerojmë hapësirat ku të fusin duart sa më shumë njerëz tek byreku”, tha ndër të tjera Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
