Ekipi i tranzicionit i presidentit të zgjedhur Donald Trump po bën presion për të nxjerrë Shtetet e Bashkuara të Amerikës nga Organizata Botërore e Shëndetësisë në ditën e parë të administratës së re.
Këtë e ka bërë të ditur Financial Times në një artikull.
Ekspertët thonë se kjo do të kishte një ndikim katastrofik në shëndetin global, sepse do të eliminonte burimin kryesor të financimit të Organizatës Botërore të Shëndetësisë, duke dëmtuar aftësinë e saj për t’iu përgjigjur krizave të shëndetit publik, siç është pandemia e koronavirusit.
Në vitin 2020, Trump filloi procesin e largimit nga OBSH duke akuzuar agjencinë se ishte nën kontrollin e Kinës. Më pas Presidenti Joe Biden i rregulloi marrëdhëniet.
SHBA është donatori më i madh i vetëm i OBSH-së, duke siguruar rreth 16 për qind të financimit të saj në 2022-2023.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
