Gropat e krijuara në rrugën e Kombit vënë në rrezik përdoruesit e saj.
Drejtuesit e mjeteve thonë për ABC News se makinat pësojnë dëmtime sa herë kalojnë në aksin Kukës-Morinë dhe shpesh herë bëhen edhe shkak për aksidente.
Pamjet vijnë nga rruga e Kombit. Këtu gjendja është përkeqësuar. Në shtatë urat e papërfunduara gropat sa vijnë dhe zgjerohen.
Drejtuesit e automjeteve detyrohen të devijojnë rrugën për të shmangur dëmtimin e makinave. Ata thonë se situata është e paprecedentë për një rrugë që kërkon të tjera standarde.
Sipërmarrësit e kontraktuar nga koncesionarët po meren me pastrimin e rrugës dhe përmirësimin e sinjalistikës. Për mbushjen e gropave nuk është koha e përshtatshme.
Deri në pranverë përdoruesit e rrugës duhet t’i ruhen ndonjë aksidenti të mundshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
