Një ngjarje e rëndë është regjistruar dje në Trento, Itali. Dy fëmijë të moshës dy dhe katër vjeç janë vrarë nga i ati pak para se të niseshin për në kopësht. Më pas, burri është arratisur dhe është hedhur nga një shkëmb duke gjetur vdekjen.
Nëna e fëmijëve nuk ndodhej në shtëpi dhe kur është kthyer është përballur me skenën makabre. Ngjarja ndodhi në apartamentin ku jetonte familja, në një prej lagjeve të reja të zonës.
Sara Faila, nëna e dy djemve të vegjël, punonte si veteriner dhe është kthyer në shtëpi në drekë, kur ka zbuluar krimin e tmerrshëm. Ajo ka lajmëruar menjëherë policinë, e cila ka nisur kërkimet për burrin. Makina e tij është gjetur para një hoteli, ndërsa pas kërkimeve, trupi i tij është gjetur poshtë një shkëmbi.
Sipas hetimeve të para, motivet e krimit mund të jenë problemet financiare. Megjithatë, në vendin e ngjarjes nuk është gjetur asnjë letër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
