Zëvendëskryeministri dhe ministri i Jashtëm i Kosovës, Behgjet Pacolli, thotë se Kosova duhet të nënshkruajë një traktat paqeje me Serbinë.
Në një intervistë për “Debat D” në RTV Dukagjini, Pacolli u shpreh se dialogu Prishtinë-Beograd duhet të vijojë, por është I nevojshëm ndryshimi i ekipit dialogues.
“Ky dialog do të përfundojë me atë kontratën historike të pajtimit. Në fund do të ketë nënshkrim të kontratës, traktatit të paqes”, tha Pacolli.
“Nuk besoj se Serbia do ta njeh shpejt Kosovën. Neve nuk na intereson se a na njeh neve Serbia apo jo. Ata duhet të mos e pengojnë Kosovën në të ardhmen. Unë besoj se kjo kontratë mund të jetë edhe e dhimbshme për Kosovën”, tha Pacolli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
