Vaksina britanike AstraZenca ka rezultuar më pak efektive kundër variantit të ri të COVID-19 të zbuluar në Afrikën e Jugut.
Studimi nga Universiteti i Afrikës së Jugut i Witwatersrand dhe Universiteti i Oksfordit tregoi se vaksina kishte ulur ndjeshëm efikasitetin kundër variantit të Afrikës së Jugut, sipas një raporti të Financial Times të botuar ditën e djeshme.
Lidhur me këtë studim ka reaguar edhe ministri i vaksinave Nadhim Zahawi, i cili është shprehur i bindur se vaksina e prodhuar nga AstraZeneca mund të parandalojë formën serioze të sëmundjes të shkaktuar nga varianti afrikano-jugor i koronavirusit.
Zahawi tha se kishte folur me zëvendës kreun mjekësor të Anglisë Jonathan Van Tam këtë mëngjes në lidhje me studimin pasi ai këmbënguli se vaksina “mbron nga sëmundjet e rënda”.
Ai shtoi se duke u bazuar në testet klinike të bëra nga vetë AstraZeneca, është i bindur se vaksina mund të përballet në mënyrë efektive me format serioze të sëmundjes dhe shtrimin në spital”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
