Kuvendi mblidhet sot në seancë plenare, në të cilën janë parashikuar 9 pika për diskutim.
Seanca e sotme do të nisë me një interpelancë me ministrin e Bujqësisë dhe Zhvillimit Rural, Niko Peleshi, kërkuar nga deputeti socialist, Erjon Braçe.
Po ashtu, do të diskutohen dhe votohen edhe ndryshimet në buxhetin e vitit 2017, projektligji “Për ndihmën juridike”, projektligji “Për aderimin e RSH në marrëveshjen ndërkombëtare për vajin e ullirit dhe ullinjtë e tavolinës 2015”, projektligji “Për ratifikimin e dokumenteve ndryshuese të marrëveshjes së huasë, ndërmjet Shqipërisë dhe Bankës Ndërkombëtare për Rindërtim dhe Zhvillim (IBRD), për financimin e projektit të modernizimit të asistencës sociale si dhe një projektvendim “Për zgjedhjen e dy anëtarëve të Autoritetit të Konkurencës”.
Në fund të seancës janë parashikuar 60 minuta diskutime për çështje jashtë rendit të ditës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
