Mbrojtja civile e Gazës ka thënë se pjesa veriore e enklavës "po përballet me një zi të vërtetë buke" për shkak të parandalimit të hyrjes së ndihmave nga forcat izraelite.
Ajo tha në një deklaratë se forcat izraelite vazhdojnë të ndërpresin shërbimet humanitare dhe mjekësore në veri të Gazës për të 14-tën ditë me radhë, për të ushtruar presion mbi njerëzit në Gazën veriore.
Ndërkohë Sekretari amerikan i Shtetit Antony Blinken foli me ministrin izraelit të Mbrojtjes Yoav Gallant të hënën dhe kërkoi veprime të mëtejshme për të rritur ndjeshëm ndihmën humanitare në Rripin e Gazës.
“Sekretari i Shtetit rishikoi veprimet që Izraeli ka ndërmarrë deri më sot dhe kërkoi veprime të mëtejshme për të rritur dhe mbështetur ndjeshëm ndihmën humanitare, përfshirë ushqimin, ilaçet dhe furnizimet e tjera thelbësore, për civilët në të gjithë Gazën”, tha Departamenti i Shtetit pas thirrjes.
Administrata e Presidentit Biden po shton kritikat ndaj Izraelit për mungesë të veprimeve të mjaftueshme për të përmirësuar kushtet humanitare në Rripin e Gazës, ndërsa zyrtarët izraelitë i afrohen një afati 30-ditor për të përmbushur disa kërkesa të Uashingtonit ose të rrezikojnë kufizime të mundshme të ndihmës ushtarake.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
