Deputeti i PD-së Arjan Ndoja tha në studion e MCN Live se PS po bën matematikë elektorale votash me reformën zgjedhore.
Nuk janë parë kriteret, por më e rëndësishmja është që nuk janë dëgjuar njerëzit. Këta pa mbaruar dëgjesat me të gjithë qarqet e vendit, dalin me një raport se kemi pasur vendosur datën 15 korrik. Data 15 korrik është marrëveshje e vendosur mes dy partive mund të shtyhet fare mirë. PD ka raport prej 450 faqesh del me projekt prej 101 bashkish, me idenë që i ofrojmë shërbimin qytetarit. E them me bindje kjo është matematikë elektorale votash. Janë marrë kutitë e votimit, njëra pas tjetrës. Nëse Kavaja bëhet me Rrogozhinës PS ndihet e sigurt për ta thyer si bastion.
Më tej, Ndoja tha se flluska e ndërtimit do të shpërthejë në 2027.
SPAK do të konsiderohet më mbrapa, nga biznesmenët shqiptarë sikur është dora që i është vendosur në fyt motorit të ekonomisë shqiptare. Marrim disa raste të fundit, po del që paratë e përfituara nga trafiqet e drogës janë futur në aktivitet e ndërtimit. Ndërtimi është zë i fuqishëm i ekonomisë. Me qindra mijëra metra katrorë leje janë dhënë, do të shkojnë për t’u zhvilluar vetëm taksa e ndikimit në infrastrukturë shkon në buxhetin e shtetit, pjesa tjetër, është tek operatorët e tjerë. Futen në lojë bankat. Ekonomia lëviz. Duke parë se çfarë u ndodhi të tjerëve, thonë q ëmë mirë t’i mbajmë rezervat. Kjo do të sjellë impakt negativ për ekonominë nga shtator e më pas, edhe tek çmimet, ajo flluska e madhe që flitet herë pas here. Do na vijë treni i ’96, siç ishin skemat piramidale. Flluska e ndërtimit do të shpërthejë në 2027.
Sipas deputetit Ndoja pronat janë skandali më i madh në vendin tonë.
Shikoni skandalin me pronat, ai do jetë skandali më i madh në republikë. Të shkosh atje nuk gjen pronën tënde. Me sistemin e ri hiqet dhe dokumentacioni i parë që ke por dhe skanimi në sistemin elektronik.
Për mua pastrimi më i madh i parave në vendin tonë ndodh në bankat e nivelit të dytë.
Forma e dytë është ajo që thamë, me paqen fiskale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
