Shqipëria ka hequr karantinën për të ardhurit nga Greqia dhe Maqedonia e Veriut.
Karantina e detyruar 2 javore për të ardhurit nga Maqedonia e Veriut dhe Greqia e vendosur nga Komiteti Teknik e Ekspertëve për shkak të shifrave shqetësuese në këto dy vende fqinje ishte në fuqi deri ditën e sotme (3 maj).
Nga sonte në mesnatë, hyrja në territorin shqiptar është pa kushte.
Duke parë situatën në rajon, kjo masë shtrënguese vetëm për dy shtet fqinje të Shqipërisë zgjati plotësisht dy javë.
Më herët Kryetarja e Komitetit Teknik, Mira Rakacolli tha se për dy javë do të ketë karantinë të detyruar për personat që vijnë nga Maqedonia e Veriut dhe Greqia.
"Vendoset karantinë dy javorë për qytetarët që vijnë nga Maqedoni e Veriut dhe Greqia, si dhe rikthehen në shkollë vitet e para dhe të dyta. Të vazhdohet të zbatohet me rigorozitet masat e vendosura", tha dy javë më parë Rakacolli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
