Kryeministri Indian Narendra Modi është një ndër krerët e shtetit më të ndjekur në Twitter me gati 62 milion ndjekës.
Ky detaj nuk i ka shpëtuar hakerëve, të cilët hakuan një nga profilet e tij në Twitter në gjuhën hindu: Narendramodi_in, i cili ka dy milion e gjysmë ndjekës. Lajmi u konfirmua nga rrjeti social.
Një seri cicërimesh u dërguan nga llogaria duke kërkuar që ndjekësit e Modi-t të dhurojnë shuma të kripuara në një fond të pretenduar bamirësie të Kryeministrit. Twitter njoftoi se nisi një hetim dhe ndërmori hapa për të siguruar profilin. Tweet-et e dërguara nga hakerat janë fshirë dhe llogaria është restauruar.
Narendramodi_in është llogaria në Twitter e lidhur me faqen personale të kryeministrit indian. Krijuar në 2011, ka mbi 2.5 milion ndjekës. Llogaria personale e Modi në Tëitter, e cila ka mbi 62 milion ndjekës, nuk ishte subjekt i një sulmi kibernetik.
Korrikun e kaluar, hakerat sulmuan profilet në Twitter të figurave të larta, përfshirë ato të kandidatit për president të Demokratëve të SHBA Joe Biden, ish-Presidentit Barack Obama, themeluesit të Tesla Elon Musk dhe themeluesit të Microsoft Bill Gates. Llogaritë e Uber dhe Apple ishin gjithashtu në shënjestër të sulmit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
