Kosova dorëzon kërkesën për t'u anëtarësuar në Këshillin e Evropës

Donika Gërvalla, ministrja e Jashtme e Kosovës ka dorëzuar zyrtarisht sot kërkesën e Kosovës për anëtarësim në Këshillin e Europës  në Strasburg.

Gërvalla bën me dije se kjo procedurë ka nisur sot dhe do të përfundojë me anëtarësim të plotë të Kosovës në Këshillin e Evropës

Dorëzuam kërkesën për anëtarësim në Këshill të Europës. Sot hapëm një kapitull të ri për anëtarësimin e Kosovës në Këshillin e Europës, sot fillon procedura e shqyrtimit të kërkesës sonë, e cila do të kalojë në instancat të ndryshme të Këshillit të Europës dhe Asamblesë Parlamentare dhe për fund edhe të Këshillit Ministror. Kosova është vendi më demokratik në rajon, Kosova është vendi më proeuropian në rajon dhe është vendi më optimist në rajon. Prandaj, Kosova e meriton të jetë anëtare e Këshillit të Europës një ditë e më parë. Kjo procedurë që e kemi nisur sot do të përfundojë me anëtarësim të plotë të Kosovës në Këshill të Europës dhe me këtë me forcim të të drejtave të qytetarëve të Kosovës dhe qasje të tyre në instanca europiane.