Medvedev: Zelensky ose do të përballet me gjykatën ose do të luajë role dytësore në komedi

Presidenti ukrainas, Volodymyr Zelensky, nuk ka zgjidhje tjetër veçse të përballet me një gjykatë ose të luajë role dytësore në shfaqjet humoristike.

Kështu deklaroi zëvendëskryetari i Këshillit të Sigurimit të Rusisë, Dmitry Medvedev në një intervistë për gazetaren ruse Nadan Fridrikhson, dhënë të premten.

Sekretariati i Medvedev ka konfirmuar për TASS vërtetësinë e intervistës.

Kështu, i pyetur se çfarë mendon për të ardhmen e Zelenskyt, Medvedev tha prerazi:

Ose një gjykatë ose role dytësore në shfaqje komedie.

Medvedev deklaron po ashtu se nuk kishte frikë të vizitonte zonën e operacioneve luftarake, ku u ndal të enjten e kaluar.