Gjigandi japonez Sonny po planifikon të blejë gjysmën e katalogut muzikor të Michael Jackson. Sipas revistës amerikane Variety, vlera totale arrin në më shumë se 800 milionë dollarë.
Nëse trashëgimtarët që zotërojnë pasurinë e madhe të Jackson bien dakord për shitjen, marrëveshja do të përfshijë dhe të drejtat për filmin e ardhshëm biografik Michael dhe muzikalin ‘MJ: The Musical’.
Marrëveshja, e cila mund të përfshijë një blerës tjetër së bashku me Sony, mund të bëhet shitja më e madhe ndonjëherë në biznesin gjithnjë e më të lakmuar të katalogut muzikor.
Me revolucionin e transmetimit, të drejtat për këngët e artistëve që janë të vdekur ose të gjallë, por që konsiderohen të përjetshëm janë bërë pasuri të vlefshme, pasi kush i zotëron ato fiton para me çdo dëgjim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
