Sekretari i Përgjithshëm i LSI-së, Luan Rama, tha sot se për maxhorancën dhe qeverinë është me rëndësi përmbushja e reformave. Gjatë një daljeje para mediave, Luan Rama ka komentuar edhe deklaratën e djeshme të kreyministrit lidhur me vendimin e LSI-së për vazhdimin e koalicionit.
“Nuk jam këtu për këtë dhe nuk preferoj të merrem as me batuta dhe as me mistrecllëqe batutash”, tha sekretari i përgjithshëm i LSI-së, i cili thekoi më tej se “është e rëndësishme që mazhoranca dhe qeveria të jetë e përqëndruar tek përmbushja e detyrimeve dhe reformave. Është shumë e rëndësishme realizimi me seriozitet dhe përkushtim i reformës zgjedhore, lufta kundër krimit dhe trafikut të drogës. Realizimi i reformave ekonomike për të sjellë produkt në cilësinë e jetës”.
I pyetur për ligjin e mbetjeve, Rama dhe se LSI-ja do ta vlerësojë me shumë seriozitet dhe maksimalisht, duke respektuar të gjitha ndjeshmëritë dhe mbi çdo ndjeshmëri interesin publik dhe interesin e vendit.
“Kur të vijë në Kuvend do ta shqyrtojmë dhe do ta votojmë në Kuvend”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
