Presidenti i Ukrainës Volodymyr Zelensky ka bërë thirrje për përpjekje të menjëhershme për të zhbllokuar portet e vendit në mënyrë që gruri të mund të eksportohet jashtë shtetit.
Si shprehet se do të ndihmonte në shmangien e një "krize ushqimore [...] globale të shkaktuar nga veprimet agresive të Rusisë".
Zelensky e ka bërë kërkesën e tij në aplikacionin e mesazheve Telegram pas takimit me Presidentin e Këshillit Evropian Charles Michel në qytetin port jugor të Odesës.
Duke folur në Odesa, Michel tha se donte t'i konfirmonte Zelenskyt dhe "të gjithë njerëzve në Ukrainë, se mbështetja jonë do të jetë maksimale" dhe se BE "do të ofrojë aq sa mundemi" përsa i përket pajisjeve ushtarake.
Ai tha gjithashtu se BE-ja po koordinohet me komunitetin ndërkombëtar për të “mobilizuar mbështetje financiare, ekspertizë, në mënyrë që ju të jeni në gjendje të adresoni sfidat humanitare, të jeni në gjendje të drejtoni vendin dhe keni nevojë për likuiditet dhe për të filluar rindërtimin e vendit.”
Në një deklaratë video, Zelensky falënderoi presidentin e Këshillit Evropian për mbështetjen e tij dhe për dhënien e Ukrainës "mundësinë për të qenë e barabartë në familjen e Bashkimit Evropian".
Kujtojmë se Rusia dhe Ukraina së bashku përbëjnë rreth 30% të eksporteve botërore të grurit, sipas Programit Botëror të Ushqimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
