Gazetari Poli Hoxha ka komentuar në MCN Live ngjarjen e rëndë të ndodhur në Komisariatin e Kavajës, ku u vetëvra një 31-vjeçari. Hoxha tha se në dhomat e shoqërimit ndodhin çudira. Gazetari u shpreh se ka qenë një gabim mbajtja e të ndjerit për tre orë në komisariat, kur kishte një vendim gjykate që të transferohej në burg.
Nuk dua të hedh dyshime dhe nuk kam, jam gati i bindur, por ta thotë ekspertiza përfundimtare, ka pasur edhe kamera sigurie që e kanë kapur momentin e përgatitjes së vetëvrasjes. Kjo për mua është pak a shumë e mbyllur. Por është skandali, elefanti është aty në dhomën e institucioneve të shtetit. Duhet të hetohet. Kemi shumë raste incidentesh, raste të paraportuara të arratisjeve. Nga procedurat e shkelura, menefregizmi i komisariateve, që i lënë pa mbikëqyrur, pa zbatuar protokollin strikt. Nëse ka gazetarë që kanë akses te komunikata e brendshme, sheh çudira në dhomat e shoqërimit. Ndodhin sherre, plagosje. I fusin atje brenda dhe sikur nuk ka më përgjegjësi. Një vetëvrasje edhe në shtëpi duhet hetuar. Për mua çudira do vetëvrasje për mua në thelb është vrasje. Përgjegjësia është e gjithë zinxhirit komandues. Nuk kanë pse të penalizohen vetëm ata tre për ruajtjen. Gabimi i rëndë është që në orën 16:00 atij i është dhënë vendimi i arrestit, ai nuk kishte më punë atje. Gjatë 3 orëshit që ka përgatitur vetëvrasjen, ai është gabim atje, duhet të ishte transferuar. Vendimet e gjykatës thonë që nga ky moment transferohen në burg, jo në komisariat, këtu duhet filluar të hetohet, sepse ka shumë raste. Kaq shumë i kanë mbushur burgjet?!”
Gazetari tha se Policia e Shtetit e ka bërë traditë që kur del me një komunikatë, përdor një gjuhë të drunjtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
