36-vjeçari Tauland Ahmetsulaj, i cili është autori i ngritjes së dronit mbi burgun e Burrelit, dy ditë më parë është arrestuar ditën e sotme nga policia.
Faik Basha, ish-drejtor i burgut të Peqinit tha përmes një lidhje “Skype” me studion e MCN Informacion se burgu i Burrelit është i amortizuar dhe nuk plotëson shumë kushte.
Po ashtu, Basha tha se në Shqipëri ne nuk kemi pajisjet e përshtatshme për të parandaluar futjen e sendeve të ndaluara në burgje.
Kur cenohet siguria në këto institucione kemi të bëjmë me një rrezik të shtuar të sigurisë publike dhe panik të sigurisë kombëtare.
Burgu i Burrelit është burg i amortizuar, nuk plotëson shumë kushte qoftë për jetesën, por edhe për pjesën e sigurisë. Është i hershëm dhe investimet nuk janë kryer. Është burg që nuk ofron siguri të lartë.
A kemi pajisje dhe mundësi të parandalojmë futjen e sendeve të ndaluara?
Është problem që nuk ka marrë zgjidhje, nuk i kemi pajisjet e përshtatshme për të ofruar këtë shërbim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
