Një shqiptar është vënë në prangat e policisë italiane, pasi rezultonte në kërkim prej disa kohësh. Arrestimi është kryer në Firence gjatë një kontrolli, ku ai ka dhënë një emër tjetër. Karabinierëve u kishin lindur dyshime në lidhje me shqiptarin pasi kishin vënë re lëvizjet e tij të shpeshta.
Pasi i kanë kërkuar dokumentet e identifikimit, ata kanë konstatuar se personi që kishin përballë ishte i njohur për ta për shkak të precedentëve penalë, por identiteti në dokumente nuk përputhej.
Pas verifikimeve të kryera, rezultoi se shqiptari kishte ndërruar tri herë emrin dhe falë kësaj “hileje” lëvizte lirshëm në Itali, pavarësisht se ishte në kërkim.
Mediat italiane nuk bëjnë të ditur asnjë nga emrat e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
