Gjatë vizitës dyditore në Kretë, ku u takua me homologun Nikos Kotzias, ministri për Evropën dhe Punët e Jashtme, Ditmir Bushati, ka pasur rastin të vizitojë ishullin turistik grek. Siç raporton Cretalive, Bushati ka vizituar Sheshin e Evropës, i shoqëruar nga homologu Kocias dhe kryebashkiaku Janis Stefanakis. Në fund të vizitës, kryetari Yannis Stefanakis i dhuroi Bushatit një pikturë që përshkruan "Martesën e Shenjtë të Europës me Zeusin", një vepër e Roussos Panagiotakis, ku paraqiten artistikisht fillesat e Evropës.
Bushati dhe Kocias zhvilluan për dy ditë me radhë bisedime mbi çështjet bilateral, por pa arritur një marrëveshje. Shembja e disa banesave të minoritetit grek në Himarë në kuadër të planit të rregullimit ka bërë që zyrtarë të shtetit fqinj të reagojnë shpesh kohët e fundit me deklarata kërcënuese lidhur me qëndrimin e saj në lidhje me integrimin e vendit tonë në BE.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
