Kreu i Partisë Demokratike, Lulzim Basha, ka falenderuar Bashkimin Europian për ndihmën dhe solidaritetin ndaj Shqipërisë.
Mirënjohje Bashkimit Europian për solidaritetin, u shpreh sot kryetari i Partisë Demokratike, Lulzim Basha, përmes një reagimi për mediat, ku ka shprehur vlerësimin e tij për vendimin e marrë nga BE, që i jep mundësi Shqipërisë të sigurojë pajisje shëndetësore.
Kreu i Partisë Demokrate, duke rishpërndarë mesazhin e Ambasadorit të BE në Tiranë, Luigi Soreca, shprehet se vendi ynë ka nevojë për ndihmë për të mbrojtur ekipet shëndetësore dhe për sigurinë e njerëzve.
“Mirënjohje për ndihmën e vazhdueshme që vjen nga #EU dhe solidaritetin në përballjen me COVID19. Shqipëria ka shumë nevojë për ndihmë për të mbrojtur ekipet shëndetësore dhe për sigurinë e njerëzve”,- theksoi Basha.
Ambasadori i BE në Tiranë, Luigi Soreca lajmëroi sot vendimin e BE që i mundëson Shqipërisë të sigurojë pajisje për sigurinë shëndetësore nga vendet e Bashkimit Europian që hyn në fuqi në datën 26 prill.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
