Qindra traktorë të cilët kanë mbërritur në Bruksel gjatë natës po bllokojnë rrugë të ndryshme të qytetit, veçanërisht në zonën ku po mbahet mbledhja e ministrave të Bujqësisë të vendeve europiane.
Fermerët kanë ardhur nga qytete të ndryshme europiane për të protestuar kundër Politikës së Përbashkët Bujqësore dhe Marrëveshjes së Gjelbër.
Mediat e huaja raportojnë se protestuesit po i vënë flakën gomave.
Paketa e propozimeve e nisur nga Komisioni të enjten e kaluar do të zbresë në tryezën e Agrifish me një objektiv prioritar, thjeshtimin e rregullave që fermerët duhet të respektojnë dhe përgjysmimin e kontrolleve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
