Pas humbjes në zgjedhjet e 25 qershorit, LSI-ja do t’i nënshtrohet një procesi ristrukturimi. Në përfundim të mbledhjes së kryesisë së LSI, Luan Rama bëri të ditura disa nga vendimet e marra në funksion të këtij ristrukturimi. Rama tha se Kryesia do t’i propozojë për miratim grupit parlamentar të LSI-së emrat e dy nënkryetarëve të rinj, Klajda Gjosha dhe Përparim Spahiu.
Ky i fundit u përjashtua nga LSI-sa në qershor të vitit të kaluar, pasi shprehu publikisht qëndrimin ndryshe në lidhje me reformën në drejtësi.
Në atë kohë, Spahiu u shpreh se nuk është gati të votojë ngritjen e një institucioni të ri në kuadër të reformës në drejtësi, që do të mbikëqyret nga ndërkombëtarët. “Nuk jam gati të votoj ndarjen e sovranitetit me Operacionin Ndërkombëtar të Monitorimit. Çfarë përfaqësojnë këta?! E kuptoj dhe jam dakord që sovranitetin e vendit tonë të përbashkët duhet ta ndajmë me NATO-n, me KE-në, shpresoj dhe me BE-në”, shkroi Spahiu.
Në shtator të vitit të kaluar, Spahiu ishte rivali i vetëm i Ilir Metës në zgjedhjet për kreun e ri të partisë. Meta u rizgjodh kryetar, ndërsa Spahiu rikandioi në qershor të këtij viti sërish në radhët e LSI-së dhe u rizgjodh deputet në qarkun e Dibrës.
Pjesë nga fjala e Luan Ramës pas mbledhjes së kryesisë së LSI
Ne do të nisim fazën e riorganizimit strukturor në të gjitha degët e vendit. Përgjegjësi ka grupi parlamentar që është më shumë në numër nga ai I mëparshmi, por edhe në kuptimin e cilësisë.
Kryesia miratoi të rekomandojë për grupin parlamentar dy nënkryetarë të grupit, Klajda Gjosha dhe përparim Spahiu. Sekretare e grupit parlamentar do të jetë Nora Malaj.
Zëvendëse e grupit do të jetë Floida Kërpaçi. Do të vijojmë traditën me veprimtari në shërbim të komunitetit duke evidentuar në këtë kontakst një angazhim më të madh të LRI.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
