Një ngjarje e rëndë me natyrë abuzimi seksual ndaj një vajze 16-vjeçare, me autor të dyshuar njerkun e saj, efektiv policie në Përmet, ka tronditur opinionin publik dhe ka shkaktuar reagim të menjëhershëm nga institucionet e rendit.
Sipas korrespondentes së “MCN Live” nga Gjirokastra, Jonida Qirko, është pezulluar nga detyra Shefi për Hetimin e Krimeve në Komisariatin e Përmetit, Dhurim Çenko, i cili dyshohet se ka pasur dijeni për rastin, por ka dështuar të veprojë në përputhje me ligjin dhe detyrimet e tij.
Sipas saj, pritet që hetimet të sjellin pezullime të tjera në radhët e stafit policor që kanë pasur dije apo implikime të tërthorta në ngjarje.
Pezullimi i Dhurim Çenkos është bërë nga Drejtoria Vendore e Policisë Gjirokastër, në kuadër të një hetimi disiplinor për shkelje të rëndë, bazuar në Ligjin Nr.82/2024 “Për Policinë e Shtetit”. Hetimet po zhvillohen nga Drejtoria e Standardeve Profesionale, dhe priten masa të mëtejshme ndaj punonjësve të tjerë që mund të jenë përfshirë ose që nuk kanë vepruar sipas ligjit.
Për këtë çështje, Gjykata e Shkallës së Parë Gjirokastër ka vendosur masën e sigurisë “arrest me burg pa afat” për Pajtim Baken, koleg i Dhurim Çenkos, ndërsa Artur Ago, efektiv policie në Komisariatin e Tepelenës, është shpallur në kërkim dhe dyshohet si autori kryesor i abuzimit seksual ndaj së miturës, i kryer përgjatë një periudhe rreth trevjeçare.
Ndërkohë, pritet që hetimet të sjellin pezullime të tjera në radhët e stafit policor që kanë pasur dije apo implikime të tërthorta në ngjarje ose që kanë dështuar në detyrën për raportim dhe ndalimin e abuzimit.
16-vjeçarja, viktimë e abuzimit të vazhdueshëm, është rikthyer pranë familjes së saj biologjike dhe ndodhet nën kujdesin e shërbimeve sociale dhe psikologjike. Ajo ka nisur të rifutet gradualisht në jetën e përditshme, ndërsa procesi i rehabilitimit do të vijojë përmes seancave të rregullta me psikologë të licencuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
