Policia greke ka arritur të zbulojë dhe sekuestrojë një tjetër sasi të konsiderueshme kanabis sativa, e cila vinte nga Shqipëria.
Droga është zbuluar në Igumenicë, pas dyshimeve të policisë se në një automjet po trafikohej lëndë narkotike.
Sipas mediave greke, policia u vu në ndjekje të mjetit, brenda të cilit u zbuluan dhe sekuestruan 30 pako drogë, ose 125 kg marijuanë, e cila vinte nga Shqipëria.
Për pasojë është arrestuar drejtuesi i mjetit, një 40 vjeçar grek, identiteti i të cilit nuk bëhet i ditur.
Po ashtu bëhet me dije se është ndaluar dhe një mjet i dytë që shërbente për kontrollin e rrugës dhe drejtuesi grek i të cilit u arrestua gjithashtu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
