Jup Hejnkes rikthehet tek Bajerni i Mynihut dhe do drejtojë skuadrën deri në fund të sezonit. Bild siguron se Hejnkes është i përzgjedhuri nga drejtuesit bavarez që të ulet në pankinën e skuadrës nga "Allianz Arena" pas largimit të Carlo Ancelottit.
Hejnkes do të nisë etapën e tij të katërt tek Bajerni dhe do të jetë në krye të pankinës deri në fund të këtij sezoni dhe më pas drejtuesit do vendosin trajnerin e ardhshëm. Jup Hejnkes 72-vjeçar është shumë i dashur për tifozët e Bajernit pasi kur ai u tërhoq në vitin 2013 nga pankina fitoi tripletën e titujve.
Në skenë dolën edhe emrat e Tomas Tuhel, Luis Enrike apo Van Gal por duket se skuadra gjermane zgjodhi eksperiencën e Hejnkes që deri në fund të sezonit sipas Billd do drejtojë Bajernin e Mynihut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
