Të paktën 37 persona janë vrarë dhe 60 të plagosur nga një sulm që u bë ndaj karvanit të punëtorëve të një ndërmarrjeje minerare në Burkina Faso, në qytetin Boungou të Afrikës.
Sipas mediave ndërkombëtare, që i referohet BBC, pesë autobusët që transportonin stafin e firmës kanadeze Semafo u zunë pritë të mërkurën rreth 40 km (24 milje) nga qyteti lindor i Boungou.
Një automjet shoqërues ushtarak u raportua se u godit nga një pajisje eksplozivi para se të armatosurit të hapnin zjarr.
Ky është sulmi i tretë më vdekjeprurës ndaj stafit të Semafo në 15 muaj.
Ndërkohë vitet e fundit Afrika Perëndimore është përballur nga një kryengritje islamike që ka vrarë qindra njerëz në vitet e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
