Zbulohen detaje të reja lidhur me krimin e një dite më parë në Pogradec, ku 31-vjeçari Ilirjan Selmani vrau me thikë dhe më pas i vuri zjarrin banesës së 52-vjeçares Kozeta Teço, me të cilën kishte lidhje intime prej tre vitesh.
Gazetarja Elsa Xhindole raportoi për “MCN Live” se i riu i arrestuar njihej si përdorues i lëndëve narkotike.
Autori i dyshuar e kishte kaluar natën në banesën e Teços, ku dyshohet se ka pasur një grindje dhe Selmani e ka qëlluar me thikë në fyt Teçon, për të fshehur gjurmët ka djegur banesën e 52-vjeçares.
31-vjeçari i cili njihej nga policia si përdorues i lëndëve narkotike, nuk e ka pranuar vrasjen e 52-vjeçares, por policia ka siguruar prova të mjaftueshme se autori i krimit është pikërisht Ilirjan Selmani.
Krimi ndodhi në lagjen nr. 1, Pogradec, e cila fillimisht u raportua si aksidentale pasi u dyshua se 52-vjeçarja kishte humbur jetën nga asfiksia gjatë djegies së banesës së saj.
Por hetimet zbuluan se shkaku i humbjes së jetës së 52-vjeçares nuk ishte asfiksia, sepse në trupin e saj konstatuan dëmtime të dyshuara të shkaktuara me thikë.
Në vijim të veprimeve të thelluara hetimore, bazuar dhe në pamjet filmike, është bërë i mundur identifikimi i autorit të dyshuar të ngjarjes, shtetasit Ilirjan Selmani, 31 vjeç, banues në Pogradec, i cili dyshohet se ka patur lidhje intime me 52-vjeçaren, prej 3 vitesh.
Selmani dyshohet se ka vrarë me thikë, shtetasen Kozeta Teço, 52 vjeçe, i ka vënë zjarrin banesës së saj dhe është larguar nga banesa, rreth orës 05:00 të së hënës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
