Kryeministri Rama ka reaguar pas deklaratave të Jodep Borrell-it që kërkoi nga Prishtina të pezullojë menjëherë operacionet policore në afërsi të objekteve komunale në veri të Kosovës dhe të mbahen zgjedhje të reja në të katër komunat.
Kreu i qeverisë shqiptare thekson se “BE-ja nuk mund të ishte më e qartë” në mesazhin e saj. Ai vë në dukje se Prishtina dhe Beogradi duhet ta zgjidhin konfliktin para se Brukseli të zbatojë masa të forta kundër tyre.
“BE-ja nuk mund të ishte më e qartë! Vazhdimi i këtij mosplani absurd duke vendosur policinë për të mbrojtur ndërtesat boshe në të cilat zyrtarët e zgjedhur nuk mund të hyjnë, dhe nga ana tjetër, vendosja e trupave të ushtrisë për të kënduar në kufirin e një vendi tjetër është vetëdëmtuese dhe pak europeiste.
Shpresoj shumë që vëllezërit tanë në Kosovë dhe Serbia mike do ta zgjidhin këtë konflikt përpara se BE-ja të zbatojë masa të forta kundër tyre. Ata duhet të veprojnë shpejt dhe të kuptojnë se përmbushja e kërkesave të BE-së do të thotë të mendosh në mënyrë të arsyeshme si shtete evropiane të përgjegjshme”, shkroi Rama në Twitter.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
