Si ndikon pesha trupore në performancën seksuale?

Të qenit shumë i shëndoshë duket se rrit shanset që një burrë të përjetojë një lloj vështirësie seksuale, por e njëjta gjë mund të mos jetë e vërtetë për gratë, tregon një studim i ri.

Studimi, që ka shqyrtuar përvojat e më shumë se 5 500 të rriturve në Danimarkë, gjen disa lidhje befasuese dhe të ndërlikuara midis faktorëve të stilit të jetës dhe shëndetit seksual.

Për burrat dhe gratë, për shembull, madhësia e trupit - të qenit të dobët ose të shëndoshë- duket se ka të bëjë me rrezikun për të pasur probleme seksuale. Për burrat, këto ekstreme rritin rrezikun. Gratë në ato përmasa, nga ana tjetër, duket se kanë më pak vështirësi seksuale.

Studimi tregon se të qenit shumë i dobët është i lidhur rrezikun që një burrë të përjetojë një lloj mosfunksionimi të vazhdueshëm seksual, duke përfshirë mosfunksionimin erektil (ED), paaftësinë për orgazëm, ejakulacionin e parakohshëm dhe dhimbjen gjatë seksit, krahasuar me burrat që kanë peshë normale.

Në mënyrë të ngjashme, burrat me bel shumë të madh, mbi 40 inç, kishin një rrezik 71% për të pasur probleme seksuale në krahasim me burrat që kishin një perimetër të belit nën 37 inç.

"Ajo që pashë interesante ishte se numri i burrave që ishin nën peshë, ose kishin një BMI të ulët [indeksi i masës trupore], kishin rreziqe të ndryshme të shtuara për vështirësi seksuale," tha Edward O. Laumann, profesor i sociologjisë dhe ekspert për seksualitetin njerëzor në Universitetin e Çikagos. Ai nuk ishte i përfshirë në hulumtimin aktual.

Ai thotë se të kesh një bel të madh dhe një BMI të lartë, i cili gjithashtu shoqërohet me kushte shëndetësore si sëmundje të zemrës dhe diabet, çka është ditur prej kohësh, shoqërohet me një rrezik të shtuar të mosfunksionimit seksual te burrat.

Gratë, pesha dhe seksi

Por edhe femrat nën peshë kanë rrezik për të mos pasur një jetë seksuale normale.

Dhe femrat e shëndosha, me BMI të madhe, kishin 70% më pak shanse të provonin një lloj mosfunksionimi seksual sesa gratë me peshë normale.

Ndjekja e shëndetit seksual

Studiuesit analizuan të dhënat e mbledhura nga Programi Danez i Shëndetit, i cili anketon në mënyrë rastësore qytetarët 16 vjeç e sipër.

Pjesëmarrësit në studim u intervistuan personalisht dhe përsëri më vonë iu përgjigjën pyetjeve private përmes pyetësorit.

Ata u pyetën nëse kishin qenë aktivë seksualisht me një partner brenda vitit të fundit. Ata që kishin qenë atëherë u pyetën për praninë e vështirësive seksuale.

Studimi zbuloi se 18% e burrave dhe 23% e grave nuk kishin kryer marrëdhënie seksuale me një partner në vitin e kaluar.

Për burrat dhe gratë, të qenit joaktiv fizikisht ishte i lidhur me një rrezik më të lartë të të qenit joaktiv seksual.

Burrat që raportuan se nuk kryenin ushtrime në kohën e lirë ishin 78% më të predispozuar se burrat që raportonin të paktën aktivitet fizik të lehtë për të thënë që ata nuk kishin kryer marrëdhënie seksuale me një partner në vitin e fundit.

Femrat që ishin fizikisht joaktive ishin rreth 45% më të predispozuar sesa të tjerat që të raportonin se ishin seksualisht joaktive.

Për gratë, faktorë të tjerë rritin rrezikun e të qenit joaktive seksualsiht si: pirja e duhanit apo të pasurit e një indeksi të masës trupore (BMI) mbi 30 ose një madhësi të belit mbi 34 inç.

Për burrat, që kishin një madhësi shumë të madhe të belit, mbi 40 inç, rezultoi gjithashtu një rrezik më i lartë i të qenit joaktiv në jetën seksuale.

Gratë aktive seksualisht që raportuan ndonjë përdorim të marijuanës brenda vitit të kaluar ishin gati tre herë më të predispozuara se ato që nuk e përdorën ilaçin për të raportuar se nuk ishin në gjendje të përjetonin orgazmën.

Atletet femra që ishin aktive seksualisht kishin gati katër herë shansin të përjetonin orgazmën.

Për burrat, duke qenë nënpeshë ose të shëndoshë, me një indeks të masës trupore (BMI) nën 20 ose mbi 30 vjeç, rriteshin shanset për të pasur probleme me mosfunksionim e organit seksual.

Burrat që ishin nën peshë kishin gati tetë herë më shumë të ngjarë të raportonin ejakulacion të shpeshtë të parakohshëm se burrat me peshë normale.

Duhanpirësit meshkuj aktualë ose të mëparshëm ishin gati dy herë më të predispozuar se burrat që kurrë nuk kishin pirë duhan, për të provuar ED.

Studiuesit janë të kujdesshëm për të theksuar se gjetjet e tyre janë vetëm lidhje. Ata nuk mund të dëshmojnë se këta faktorë të stilit të jetës janë duke shkaktuar probleme seksuale, po thjesht evidentojnë lidhjen.

Por ata thonë se ka të ngjarë që përmirësimi i shëndetit të përgjithshëm gjithashtu mund të përmirësojë shëndetin seksual.

"Humbja e peshës, frymëmarrja me e lehtë, kollitja më pak, moslodhja kur ktheheni në shtëpi. Këto benefite të humbjes së peshës mund të përmirësojnë edhe jetën tuaj seksuale," thotë Frisch. "Unë mendoj se ato gjëra shkojnë së bashku".